Drita dhe Ballkani i mbyllën në barazimin 2-2, 90-minutat mes tyre. Ndeshja nisi me ritëm të lartë dhe ishin vendasit që kaluan të parët në avantazh me anë të Krasniqit që shndërroi në gol një 11-metërsh në minutën e 12-të. Gjithsesi, reagimi i të besuarve të trajnerit Ilir Daja erdhi që në pjesën e parë teksa Albin Berisha riktheu ekuilibrin.
Në fraksionin e dytë, u përsërit i njëjti skenar si në 45-minutat e para teksa Drita shënoi të dytën me anë të Simonovskin, ndërsa Ballkani barazoi me Albion Rrahmanin, 16 minuta para fundit të ndeshjes.
Deri në fund, rezultati nuk ndryshoi dhe pas këtij barazimi, Drita mban vendin e parë me 31 pikë, por duhet theksuar se ka luajtur tre ndeshje më shumë se Ballkani i vendit të dytë, që deri më tani ka koleksionuar 27 pikë.
Në sfidën tjetër të kësaj të diele, Llapit u befasua 1-2 në shtëpi përballë Ferizajt.
Renditja: