Duke folur pas fitore 5-1 ndaj Qipros, kapiteni i Kosovës Amir Rrahmani zbuloi se ka luajtur me shumë vështirësi, pasi ende nuk e ka kaluar problemin.
Mbrojtësi i dardanëve theksoi se shtrëngoi dhëmbët fort për të luajtur.
“Nuk isha 100 për qind i gatshëm. Por i shtrëngova dhëmbët dhe hyra në fushë. Jam i gëzuar që çdo gjë shkojë mirë”, ka thënë Rrahmani.
Më tej ai u shpreh i kënaqur për fitoren e arrirë, ndërsa shtoi se ka vend për përmirësim.
“Jam i kënaqur që kemi shënuar pesë gola dhe që kemi fituar. Ka vend për përmirësime. Na kanë sjellë problem kundërsulmet dhe nuk i kemi ndalë ato me kohë. Në momentin që kemi humbur topin kundërshtari ka ardhur shpejtë te zona jonë”,-shtoi lideri i Kosovës.