Interi vijon të zhgënjejë me të voglat në Itali, teksa në katër takimet e fundit ka marrë vetëm dy pikë. Humbja e fundit ndaj Bolognës ka trazuar jo pak ambientin zikaltër dhe kritikat ndaj Inzaghit kanë vërshuar lumë.
Për të rikthyer disi qetësinë ka menduar administratori Giuseppe Maritta, që në një intervistë për Sky Sport konfirmoi besimin për trajnerin. Ai u shpreh i kënaqur me punën e bërë, megjithatë nuk ngurroi t’u dërgojë një mesazh të qartë trajnerit dhe futbollistëve zikaltër.
Lexo edhe:
- Fundjava e legjionarëve/ Asnjë gol e asist, Gjasula rikthimi i madh nga kuqezinjtë
- “Ula rrogën për Leaon”, Ibrahimovic: Gabon kush mendon se do të luaj vetëm 5 minuta
- Pamje befasuese në Stamboll, tifozët hedhin mijëra dhurata për fëmijët e prekur nga tërmeti
- Flamurtari bën “poker” ndaj Besës së Kavajës dhe fiton me një lojtar më pak “Inzaghi nuk është në diskutim, pasi ka bërë një punë të mirë dhe ka vlerësimin tonë. Megjithatë në ndeshjet ndaj të ashtuquajturave të vogla, duhet më shumë motivim dhe seriozitet. Pikërisht këtë u kemi kërkuar trajnerit dhe grupit sot në Appiano. Ne jemi këtu për t’i mbështetur, por u takon atyre që të flasin dhe të shmangin performanca të tilla”, tha Marotta.
Fundi i sezonit pritet të sjellë jo pak ndryshime në organikën e zikaltërve dhe këtë e pranon edhe Marotta, i cili hedh dyshime edhe mbi konfirmimin e Lukakut. Krahas belgut, në pikëpyetje për sezonin e ri janë edhe lojtarë si D’Ambrossio, De Vrij, Gagliardini, Acerbi e Dzeko, të cilëve u përfundon kontrata
“Jemi duke negociuar rinovimin me disa futbollistë, por në fund të sezonit duhet të marrim disa vendime të dhimbshme. Kemi disa parametra ekonomikë për të respektuar. Lukaku dëshiron të qëndrojë, por në fund të sezonit do të kthehet te Chelsea. Më pas do të negociojmë sërish, duke parë edhe kushtet”, u shpreh drejtuesi zikaltër.