Marc Marquez regjistroi xhiron më të shpejtë në provat zyrtare të Çmimit të Madh të Spanjës dhe do të niset nga pole-position në garën e Valencias këtë dielë, duke qenë gjithnjë e më pranë titullit kampion, që për të do të ishte i 4-ti në karrierë në MotoGp. Marquez kryeson me 21 pikë avantazh ndaj Doviziosos dhe ka nevojë për vetëm 5 pikë në garën e shtëpisë për të fituar titullin. Edhe pse u rrëzua Marquez e përshkoi pistën për 1 minutë 29 sekonda e 897 të mijtat duke rreshtuar pas shpatullave të tij, Johann Zarco e Andrea Iannonen. Pakësohen shanset për një mrekulli në Valencia për Andrea Dovizioson i cili zhgënjeu duke regjistruar kohën e 9-t më të mirë. I 4-ti do të niset Jorge Lorenzo ndërsa vetëm i 7-ti Valentino Rossi.
