Tjetër rast me Koronavirus tek Juventusi pas infektimit të mbrojtësit Demiral. Bëhet fjalë për Leonardo Bonuccin. Në njoftimin e klubin bardhezi, shkruhet:
“Leonardo Bonucci, pasi u kthye nga grumbullimi me ekipin kombëtar italian, këtë mëngjes iu nënshtrua një testi molekular diagnostikues për COVID-19 dhe rezultati doli pozitiv. Lojtari tashmë është vendosur në izolim në shtëpi”.
Pas ndeshjes së fituar nga Italia kundër Lituanisë, Federata Italiane e Futbollit njoftoi se katër anëtarë të stafit të të kaltërve rezultuan pozitivë në raundit e parë të tamponëve të kryer në kryeqytetin e Bullgarisë, Sofje, të nesërmen e sfidës me përfaqësuese ballkanike. Bonucci do të humbasë, përveç derbit të së shtunës, edhe sfidën e prapambetur me Napolin, e programuar për t’u zhvilluar të 7 prill, ndeshje që duhej të ishte zhvilluar që më 4 tetor.
Sa i përket turkut Merih Demiral, mbrojtësi u kthye në Torino dhe menjëherë u vendos në izolim në Hotel J.
Tek Juventusi u frikësohen edhe infektimit të mundshëm të Szczesny-t, pas shpërthimit të një vatre infektimi në ekipin kombëtar polka (ka rezultuar pozitiv edhe portieri i Bolonjës, Skorupski. Numri një i Juventusit duhet të jetë rregullisht në vendin e tij, përndryshe porta do t’i besohet portierit të tretë Pinsoglio, duke pasur parasysh skualifikimin e Buffonit.
