Interi është skuadra me numrin më të lartë të spektatorëve në stadium, në këto 13 javë të para të Serisë A. Zikaltrit kanë një mesatare prej 59.365 tifozësh për ndeshje të luajtur dhe kanë lënë pas Milanin, Napolin dhe Juventusin.
Zikaltrit kanë një përmirësim të ndjeshëm në krahasim me vitin e kaluar, me rreth 13 mijë tifozë më tepër. Trend rritës të numrit të spektatorëve ka shfaqur edhe e gjithë Seria A, që nga 22.217 tifozë për ndeshje, që kishte vitin e kaluar, këto 13 javë të para ka shkuar në 24.801 spektatorë.
Një përmirësim mjaft i rëndësishëm ky, që përkthehet një një sinjal të qartë për rrugën drejt ringritjes së Serisë A. Janë pikërisht 2 skuadrat e Milanos, ato që kanë sjellë rritjen më të madhe të numrit të spektatorëve në këtë sezon, të ndjekura nga Roma, Napoli e Lazio, që po zhvillojnë një kampionat mjaft të mirë.
Juventusi është skuadra më stabël, e ndikuar kjo edhe për shkak të kapacitetit të stadiumit, që është rreth 40 mijë tifozë, ndërsa trend në rënie kanë shfaqur tifozëritë e Torinos dhe Fiorentinës, 2 skuadra që janë ende larg formës së mirë të shfaqur sezonin e kaluar.
| Skuadra | 17-18 | 16-17 |
| Inter | 59.365 | 46.620 |
| Milan | 55.264 | 40.326 |
| Napoli | 44.497 | 36.601 |
| Juventus | 39.452 | 39.963 |
| Roma | 38.769 | 32.638 |
| Lazio | 25.800 | 20.453 |
| Fiorentina | 23.907 | 26.470 |
| Genoa | 23.424 | 21.335 |
| Bologna | 21.965 | 21.189 |
| Sampdoria | 21.022 | 19.852 |
| Torino | 18.080 | 19.327 |
| Verona | 17.510 | Serie B |
| Atalanta | 17.655 | 17.878 |
| Udinese | 16.690 | 17.878 |
| Cagliari | 13.955 | 12.998 |
| Chievo | 13.000 | 11.632 |
| Benevento | 12.456 | Serie B |
| Sassuolo | 11.580 | 12.362 |
| Spal | 11.390 | Serie B |
| Crotone | 10.351 | 9.636 |
| Mesatarja | 24.801 | 22.217 |
