Rreziku epidemisë së Coronavirusi prek edhe hokejin mbi akull në Shtetet e Bashkuara të Amerikës. Organizatorët e këtij kampionati (NHL) kanë vendosur të pezullohen për momentin të gjitha ndeshjet deri në kalimin e rrezikut.
NHL informon se për shkak të prekjes nga ky virus i basketbollistit të NBA-së (Utah Jazz) Rudy Gobert dhe nga fakti që ekipe të ndryshme ndajnë impiantet sportive me ato të NBA-së, si masë parandaluesë është vendosur që të ndërpritet kampionati.
Janë të paktën 11 impiante ku zhvillohen si ndeshjet e NBA-së ashtu edhe takimet e NHL-së.
Ekipet e NBA-së dhe NHL-së që ndjajnë fushat:
“Madison Square Garden”, New York: Knicks dhe Rangers
“United Center”, Chicago: Bulls dhe Blackhawks
“TD Garden”, Boston: Celtics dhe Bruins
“Wells Fargo Center”, Philadelphia: Sixers dhe Flyers
“Capital One Arena”, Washington: Wizards dhe Capitals
“Pepsi Center”, Denver: Nuggets dhe Avalanche
“Staples Center”, Los Angeles: Lakers, Clippers dhe Kings
“Scotiabank Arena”, Toronto: Raptors dhe Maple Leafs
“American Airlines Center”, Dallas: Mavs dhe Stars
“Barclays Center”, Brooklyn: Nets dhe Islanders
“Little Caesars Arena”, Detroit: Pistons dhe Red Wings
