Alexis Sanchez nuk do të bëhet pjesë e Bayernit të Mynihut në janar apo në fund të sezonit. Konfirmimi vjen nga shefi ekzekutiv i bavarezëve, Karl-Heinz Rummenigge, i cili zbulon që “kiliani e ka zgjedhur klubin e tij të ri dhe ky nuk është Bayerni”. Sipas drejtuesit të kampionëve në fuqi të Bundesligës, “kjo nuk është ndonjë humbje e madhe, sepse, edhe nëse do të transferohej në “Allinaz Arena”, Sanchez nuk do të mund ta zëvendësonte Robert Lewandowskin, pasi nuk ka karakteristikat e polakut. Fjalët e Rummenigges kanë nxitur hamendësime të shumta për të ardhmen e kilianit, pasi nga klubet e mëdha, favorit për të siguruar shërbimet e tij ka mbetur Manchester City. Gjithsesi, nuk përjashtohet ndonjë lëvizje surprizë, që nuk mungon kurrë në cdo sesion merkatoje.