Futbolli rus është paralizuar si pasojë e pezullimit të kombëtares dhe klubeve ruse nga FIFA dhe UEFA. Vendimi drastik erdhi si pasojë e masakrave që po shkakton ushtria e Vladimir Putin në Ukrainë.
Rusët kanë reaguar dhe me anë të një kërkese zyrtare kanë hedhur kandidaturën për organizimin e Euro 2028 ose Euro 2032. UEFA deklaroi se në garë për Euro 2032 janë edhe Italia me Turqinë, teksa për Euro 2028 kandidojnë Rusia, Turqia dhe Mbretëria e Bashkuar+Irlanda.
Ndërkohë, Rusia ka miratuar rritjen e numrit të futbollistëve të huaj që mund të luajnë në futbollin vendas, që deri sot ka qenë tetë të huaj të regjistruar për ekip.
Me anë të një vendimi të Komitetit Ekzekutiv të Federatës Ruse të Futbollit (RFU), nga sezoni i ardhshëm çdo skuadër ruse mund të regjistrojë 13 lojtarë të huaj, nga të cilët 8 mund të zbresin në fushë.
Një kërkesë themelore për regjistrimin e ekipeve është që të ketë të paktën 12 lojtarë rusë në skuadër. Një ndryshim që ndodh në situatën kur lojtarët e huaj janë larguar nga klubet ruse pas luftës në Ukrainë.
[quiz-cat id=”297576″]