Connect with us

Hi, what are you looking for?

La Liga

“Sa gjëra të pavërteta”, Cavani tregon pse nuk u transferua te Boca Juniors

Edinson Cavani mori propozime të ndryshme pas largimit nga Manchester United. Boca Juniors tentoi ta transferonte në Argjentinë “El Matador”, por akordi nuk u arrit dhe ky i fundit vendosi të vijonte karrierën te Valencia e Gennaro Gattusos.

Refuzimi nuk është pritur mirë te “Xenezies”, por sulmuesi uruguaian shpjegon në një deklaratë për Marca shkakun pse nuk kaloi tek ekipi i famshëm latin. “E mora vesh se shumë njerëz prisnin kalimin tim te Boca.

Miqtë e mi ma thanë një gjë të tillë, por ishte krijuar një përshtypje e gabuar. Janë thënë shumë gjëra të pavërteta. Me Riquelmen (zv presidenti i Boca Juniors) jam treguar i qartë, ne gjithmonë flisnim dhe e dinim se si ishte situata.

Më tërhiqte projekti i Boca Juniors, nuk e mohoj, por i dhashë prioritet qëndrimit në Europë dhe transferimit në Spanjë, sepse dua të përgatitem sa më mirë për Botërorin e Katarit. E falënderova shumë Riquelmen, pasi nuk i dihet kurrë se çfarë mund të ndodhë në të ardhmen”, deklaroi bomberi 35-vjeçar.

Cavani firmosi një kontratë 2-vjeçare me Valencian. Synimi është shënimi i sa më shumë golave dhe mbërritja në formë në Katar 2022 (20 nëntor-18 dhjetor), aty ku Uruguai është pjesë e grupit H bashkë me Portugalinë, Ganën dhe Korenë e Jugut.

Me transferimin në La Liga, Cavani është kthyer në futbollistin e parë uruguaian që luan në katër nga pesë ligat kryesore të Europës (Serie A, Ligue 1, Premier League dhe La Liga).

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...