Ish Drejtori i zonës teknike te Interi, Walter Sabatini ka gjetur një skuadër të re, ku do të vijojë tashmë karrierën e tij. Bëhet fjalë për Sampdorian, ku është prezantuar sot nga presidenti Ferrero, në pozicionin e Përgjegjësit të zonës teknike.
Menjëherë sapo është prezantuar te Sampi, Sabatini ka pasur një diskutim edhe me trajnerin Giampaolo për merkaton, ku i ka prezantuar një listë me disa emra, që mund t’i sjellë në Xhenova.
Në këtë listë bëjnë pjesë disa futbollistë të Interit, si Santon, Ranocchia dhe Yann Karamoh, të 3 elementë që mund të lihen të lirë nga zikaltrit, natyrisht francezi vetëm në huazim.