Armando Sadiku është transferuar në Indi. Sulmuesi i kombëtares shqiptare, ka firmosur një kontratë 2-vjeçare me Mohun Bagan SG. Klubin nga Kalkuta, një nga më të vjetrit në Azi.
“Jam krenar që u bëra pjesë e këtij klubi 133-vjeçar. Kur Mohun Bagan më kontaktoi, unë bëra kërkime me detaje në lidhje me kampionatin indian, i cili nisi të më interesonte.
Lexo edhe:
- Një moldav për Vllazninë, luajti titullar edhe ndaj Shqipërisë
- VIDEO/ Gjashtë minuta për golin e fitores, Vrioni rikthehet protagonist në Amerikë
- Sulmuesi i kombëtares bëhet me skuadër të re, prezantohet te kampionët
- I kënaqur nga impenjimi dhe guximi i futbollistëve, Sylvinho: Shoh detajet, kemi lojtarë inteligjentë
Të jem i sinqertë, Mohun Bagan i mjaftoi një javë për të më bindur. Kështu që ja ku erdha. Kam lexuar për trashëgiminë e pasur të Mohun Bagan.
Shpresoj që së bashku me shokët e skuadrës të jemi në gjendje të mbrojmë titullin. Dhe të japim edhe më shumë sezonin e ardhshëm”, deklaroi sulmuesi nga Elbasani.
32-vjeçari regjistron 38 ndeshje dhe 12 gola me kombëtaren kuqezi. Sadiku ka luajtur më parë në Zvicër, Poloni, Spanjë, Turqi dhe Bolivi.
