Connect with us

Hi, what are you looking for?

Kombëtare

Sadiku: Nëse luajmë si grup, ia dalim

Është pikë referimi në Kombëtare dhe padyshim mungesa e Cikalleshit bën që barra e sulmit të bjerë akoma më shumë mbi shpatullat e tij, Armando Sadiku është një nga ata që nuk di t’ju bëjë bisht përgjegjësive, përkundrazi. Në ndeshjen e parë ndaj Spanjës nuk ishte dhe këtë të premte shpreson që të bëjë më të mirët, edhe pse i vetëdijshëm për shkallën e lartë të vështirësisë.

“Spanja sa e vështirë për një sulmues? Janë lojtar të një klasi tjetër, luajnë në ekipet më të mira në botë. Ne i respektojmë. Ndeshjen e parë nuk isha e pashë nga televizori, por besoj që do të jetë e vështirë, si të prekësh topin, si në duele. Por, nëse ne e tregojmë veten si në Europian, si me Izraelin, ne gjithmonë ndaj ekipeve të mëdha luajmë mirë. Po të luajmë si grup mund tia dalim edhe këtë herë.”

Ambiciet e Sadikut nuk kufizohen kur pyetet nëse do të preferonte një gol kundër Spanjës apo ndaj Italisë. Gjithsesi kryesorja për të, pavarësisht aspektit personal mbetet suksesi i Shqipërisë.

“Gol Spanjës apo Italisë? Do të më pëlqente t’i shënoja të dyja këtyre skuadrave. Por, nëse luajmë si grup ashtu si në ndeshje të tjera të rëndësishme si kjo do të arrijmë t’i krijojmë vështirësi kundërshtarëve dhe të marrim rezultat. Unë shpresoj të shënoj, do të ishte mjaft bukur për mua personalisht dhe nëse do të ndihmoja ekipin të merrte një pikë do të ishte perfekt.”

Sadiku nuk i zë besë krizës në thonjëza të Spanjës, është nga ato skuadra që ka kualitetin për të zëvendësuar këdo, De Biasi nuk ka harruar t’i kujtojë se nëse mundin Spanjën do jenë heronj në Itali duke ju bere një nder të kaltërve, ndërsa për Panucin, beson se beson se ky do të jetë një projekt fitues

“Trajneri ka ardhur i ri, ne ishim mësuar me De Biasin. Ai na njihte shumë mirë. Ndërsa me trajnerin e ri edhe në stërvitje të gjithë lojtarët mundohen të japin 100 për qind. Trajneri ka futur edhe një frymë të re, na duhet pak kohë të ambientohemi, të na njohë të gjithëve mirë. E rëndësishme është të japim më të mirën, ndërsa trajneri do të provojë të eksperimentojë si për formacionin si në grumbullime që ti ketë idetë më të qarta. Ti japim pak kohë dhe të shpresojmë që gjërat të shkojnë në rrugën e duhur.”

E fundit por jo për nga rëndësia, për të mësuar se ku i gjeti forcat për të kaluar në krye të hierarkisë së sulmit dhe mos rreshtur së shënuari, kuptoni dicka mbi lidhjen e Sadikut em fanellën kuqezi.

“Kur vij në ekipin Kombëtar mendoj gjithmonë se do të vij dhe të lë gjurmë në cdo ndeshje. Në ndeshjet ku kam munguar për arsye dëmtimi, qaj përbrenda meje sepse nuk jam në fushë. Në ccdo ndeshje kërkoj të lë gjurmë dhe të bëj diccka që askush nuk e ka bërë. Në Kombëtare jam më të mirën time, edhe kur nuk jam në formën më të mirë mundohem të lë zemrën në fushë.”

 

Lajme të tjera

Serie A

Aventura e Walter Mazzarrit te Napoli mundtë quhet e përfunduar. Barazimi mes vuajtjesh ndaj Genoas në fundjavë ka bërë që De Laurentiis të humbë...

Kategoria Superiore

Kukësi ndryshoi për të katërtën herë trajnerin, kur deri më tani janë zhvilluar vetëm 24 javë.Verilindorët e nisën sezonin me Rraman Hallaçin, e vijuan...

Champions League

Hakan Calhanoglu ka dhënë një intervistë interesante, gjatë së cilës “harron” për disa momente modestinë. Gjithsesi, 30-vjeçari meriton çdo lëvdatë, pasi është ai truri...

Bundesliga

Granit Xhaka gjen golin me fanellën e Bayer Leverkusen. Në ndeshjen e kampionatit gjerman, mesfushori me origjinë shqiptare realizoi një gol maft të bukur...