Sadiku u aktivizua në pjesën e dytë dhe arriti të godiste edhe shtyllën e portës së Spanjës, por ishte i pafat për të gjetur rrjetën në këtë transfertë të vështirë për kombëtaren tonë. Pas takimit, sulmuesi kuqezi u shpreh se ishte në një kondicion të mirë fizik dhe kishte shumë dëshirë të shënonte, por ishte i pafat. Gjithsesi, sulmuesi elbasanas, që luan për Legia Varshava, thotë se shpreson që golat të vijnë në takimin me Italinë.
“Isha mirë dhe i gatshëm, por u futa në pjesën e dytë. Isha i pafat, mund të kisha shënuar dhe mund t’i jepnim më shumë ngjyra lojës, por shpresoj që golat të vijnë me Italinë. Kemi provuar gjatë gjithë ditëve skemën me të cilën luajtëm sot, ndërsa në pjesën e dytë arritëm të luajmë më mirë”, tha Sadiku pas ndeshjes.