Premtoi pas takimit me Spanjën se do t’i shënonte Italisë në “Loro Boriçi”, por nuk mundi ta mposhte portierin Buffon. Armando Sadiku foli pas ndeshjes duke thënë se Kombëtarja ishte e pafat në këtë takim dhe meritonte të paktën një pikë.
“Nuk e meritonim humbjen, bëmë një gabim në mbrojtje. Luajtëm një ndeshje të barabartë deri në momentin e golit, ndërsa më pas ramë disi, nuk mundëm të reagonim. Është për të ardhur keq që nuk morëm të paktën një pikë nga kjo ndeshje. Çaluam në 30 metrat e fundit, por nëse do të kishim pasur pak fat, nëse do të kishim shënuar në një nga ato goditje, loja do të merrte tjetër rrjedh”, tha Sadiku.
Sulmuesi është shprehur se Panucci ka futur një frymë të re në skuadër, por ende rezultatet pozitive nuk kanë ardhur për Kombëtaren.
