Carlos Sainz do të niset i pari në Çmimin e Madh të Belgjikës. Formula 1 u rikthye këtë fundjavë, me provat zyrtare të zhvilluara pasditen e sotme, të cilat ofruan jo pak surpriza.
Kështu kohën më të mirë në pistë e vendosi kampioni në fuqi Max Verstappen, megjithatë për shkak të ndryshimit të paketës së shpejtësisë, do të niset i 15-i, duke i dhënë mundësinë e kryesimit në start, Carlos Sainzit, i cili vendosi kohën e dytë më të mirë.
Në krah të pilotit të Ferrarit do të niset Sergio Perez i Red Bull, ndërsa në vendin e tretë dhe të katërt do të nisen Alonso dhe Hamilton. Vetëm vendi i 16 për Charles Leclerc, që vendosi kohën e katërt më të shpejtë, por ndryshoi centralinën dhe u penalizua.
Plot 6 pilotë bënë ndryshime në makina këtë fundjavë dhe u penalizuan në start, ndaj gara e të dielës pritet të jetë mjaft emocionuese, veçanërisht me Verstappen e Leclerc që do të nisen në radhën e tretë nga fundi dhe do të synojnë të afrohen sa më shpejt më kreun.
