Lionel Messi parakaloi dje Muhamed Salahun në renditjen e golshënuesve europianë dhe u shndërrua në pretendentin kryesor për të fituar Këpucën e Artë.
Lajmet që vijnë nga Anglia, konfirmojnë edhe më shumë këtë konstatim, pasi sulmuesi egjiptian i Liverpoolit rrezikon të pezullohet me dy javë nga Federata Angleze dhe të mos ketë më mundësi të vijojë garën.
Në ndeshjen e fundit ndaj Stoke Cityt, Salah pati një incident në fushë me mbrojtësin holandez Bruno Martins Indi, ndërsa pritet që Komisioni i Disiplinës të marrë në shqyrtim pamjet.
Nëse Salah pezullohet dy javë, atëherë sezoni për të në Premier League do të përfundojë, pasi edhe dy ndeshje kanë mbetur për t’u luajtur. Për më tepër, ky lajm do të inkurajonte edhe sulmuesin anglez të Tottenhamit, Harry Kane, që shpreson të fitojë garën me Salah, për Këpucën e Artë të Premier Leagues.
Salah attempting to punch Martins Indi vs Stoke. Should be banned pic.twitter.com/ZhlOSH33FS
— Bald Keeper (@hazardfraud) April 28, 2018