Salernitana ngec në “Stadio Arechi” ndaj Torinos në takimin e javës së katërt, ndërsa ende nuk po mundet të provojë “shijen” e triumfit për këtë sezon të Serie A.
Sfida u mbyll me rezultatin 0-3, me miqtë që zhbllokuan takimin në minutën e 15’ me Buongiornon.
Lexoni edhe:
- Triumfi në derbi/ Vazhdon festa te Inter, Inzaghi u jep lojtarëve një ditë pushim
- FSHF organizon turneun ‘UEFA Development U-15’ për vajza, Shqipëria përballet me Ishujt Faroe, Maltën e Luksemburgun
- Ten Hag nuk e konsideron, Barcelona “hidhet” në sulm për lojtarin e United
- Cagliari-Udinese mbyllet pa fitues, skuadrat ende nuk kanë provuar “shijen” e fitores këtë sezon
Ndërsa në minutën e 41’ Radonjic dyfishoi avantazhin e Torinos dhe bëri që pjesa e parë të mbyllej me rezultatin 0-2.
Pavarësisht tentativave nga vendasit edhe në pjesën e dytë rrugën drejt rrjetës e gjetën po miqtë.
Radonjic realizoi golin e tretë për Torinon në minutën e 50’, megjithatë ai tentoi të gjente sërish golin në minutën e 58’, por ai gol anulua pas verifikimit në VAR për pozicion të parregullt.
Në fund gjithçka u mbyll me rezultatin 0-3, me Salernitanën që renditet në vend të 19-të me dy pikë, teksa Torino pozicionohet në vend të shtatë me shtatë pikë.
