Barazim 1-1 mes Fiorentinës dhe Sampdorias në sfidën e prapambetur të javës së parë të Serie A. Në Luigi Ferraris dy skuadrat, që synojnë një vend në 7-shen e parë dhe që i kanë bërë një nisje të mirë këtij sezoni ndanë nga një pikë në këtë duel duke u ngjitur në kuotën 7 të tillave në tabelën e klasifikimit. Ishin vjollcët të cilët kaluan të parët në avantazh me finalizimin e sulmuesit argjentinas Giovani Simeone. Megjithatë Caprari me një gol shumë të bukur në të 60-ën i dha një pikë Sampdorias që deri në fund tentoi ta fitonte ndeshjen por nuk arriti të kalonte prapavijën e skuadrës së Piolit.
