Trajneri i Portugalisë, Fernando Santos, u shpreh natyrshëm i kënaqur me fitoren e thellë tenistike përballë Zvicrës, që e kualifikoi skuadrën e tij në çerekfinale të Botërorit, por insistoi se duhet pasur shumë kujdes në ndeshjen e radhës.
“Ishte një paraqitje e mirë, një lojë e shkëlqyer, lojtarët janë për t’u përgëzuar. Tani është e nevojshme të zbresim me këmbë në tokë. Ishte e mrekullueshme, e shkëlqyer, por kemi edhe tri ndeshje, një në katër ditë”, – tha fillimisht trajneri portguez në intervistën flash për RTP.
I pyetur se çfarë e shtyu atë të aktivizonte të riun Ramos para Cristiano Ronaldos, Fernando Santos përsëriti atë që kishte thënë para ndeshjes:
“Karakteristikat e lojës, ata janë lojtarë të ndryshëm. Hyri edhe Dalot, u largua Cancelo, ka të bëjë me atë që kam menduar për dinamikën e lojës. Problem? Unë tashmë iu përgjigja kësaj pyetjeje. Nuk ka problem, ne jemi miq për shumë vite. Gjithçka është rregulluar plotësisht dhe ai dha shembullin e një kapiteni të vërtetë”.
