Sulmuesi portugez nuk po kalon aspak një periudhë të mirë te Milani, por duket se në jetën private, gjërat i shkojnë për bukuri. Pasi u transferua këtë verë të kuqezinjtë e Montellës, Andre Silva nuk ka gjetur hapësirat e nevojëshme në formacion, teksa detyrohet të përballet me rivalitetin e fortë të sulmuesit kroat Kaliniç dhe të riut Cutrone.
Gjithsesi, portugezi duket se ka gjetur qetësi në krahët e të dashurës së tij Sara Rodrigues. Të dy e mohojnë lidhjen mes tyre, por mediat rozë në Portugali kanë publikuar foto të çiftit në një ishull grek, por edhe foto të modeles, nga ‘Piazza Duomo’, në Milano, të cilat mjaftojnë për të konfirmuar se ata janë bashkë.
