Chelsea i Maurizio Sarrit e nis me një fitore të rëndësishme në transfertë Premier League-n. Blutë e Londrës triumfuan 0-3 në fushën e Huddersfield, në ndeshjen debutuese të trajnerit italian në kampionatin elitar Anglez.
N’Golo Kante i hapi rrugë fitores së Chelsea-t në minutën e 34-t, i shërbyer nga braziliani Willian, ndërsa në fund të pjesës së parë Jorginho u tregua i saktë nga pika e bardhë e penalltisë.
Golin që vulosi fitoren 0-3 të skuadrës së Sarrit e realizoi Pedro në minutën e 80-të, pas pasimit të marrë nga Hazard.
Në takimet e tjera Fulham u befasua 0-2 në shtëpi nga Crystal Palace, Bournemoth fitoi 2-0 me Cardiffin dhe me të njëjtin rezultat triumfoi Watfordi kundër Brightonit.
Më herët Tottenhami mori tri pikë të arta në fushën e Newcastle, duke fituar 1-2.