Connect with us

Hi, what are you looking for?

Serie A

Sarri e ka me arbitrin: Kartoni i kuq nuk ishte, ndeshja u kushtëzua

Juventus pësoi humbjen e parë sezonale mbrëmjen e djeshme ndaj Lazios, me rezultatin 3-1 me përmbysje, gjë që i ka lënë një shije të hidhur teknikut të bardhezinjve Maurizio Sarri.

Ky i fundit, në intervistat e dhëna pas ndeshjes për mediat italiane, u ankua se takimi u kushtëzua nga vendimet e arbitrit dhe vuri theksin te kartoni i kuq ndaj Cuadrados, që la bardhezinjtë me 10 futbollistë.

“Bëmë një pjesë të parë të mirë dhe kaluam në avantazh, Duhej të dyfishonim avantazhin, por për fat të keq pësuam një gol në minutat shtesë. Edhe pjesa e dytë ishte e barabartë deri në momentin që arbitri vendosi të përjashtojë Cuadradon,. Për mendimin tim nuk ishte karton i kuq, sepse lojtari i Lazios po shkonte në anësore dhe nuk ishte rast i pastër për gol. Aty u kushtëzua ndeshja dhe më pas e patëm të vështirë të përballemi me një lojtar më pak”, deklaroi Sarri.

Trajneri i Juventusit foli edhe për mungesat në mesin e fushës, të krijuara për shkak të dëmtimeve, teksa theksoi se nëse situata do të mbetet e njëjtë, në janar do të duhet të rikthehen në merkato.

“Në mesin e fushës jemi keq me numrat, pasi kemi disa futbollistë të dëmtuar. Nëse situata do të vazhdojë kështu, atëherë mund të futemi në merkato në janar, por së pari verifikojmë formën e futbollistëve që kemi”, deklaroi trajneri Sarri.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...