Connect with us

Hi, what are you looking for?

Merkato

Sarri këmbëngul për Jorginhon, Juve ofron një sulmues në këmbim

Maurizio Sarri vijon të këmbëngulë për të pasur në dispozicion mesfushorin e tij të preferuar, italo-brazilianin Jorginho, të cilin e ka pasur me vete si te Napoli, ashtu edhe te Chelsea, gjatë një sezoni që drejtoi londinezët.

Tekniku italian nuk është i kënaqur aspak me performancën e boshnjakut Miralem Pjanic në qendër të mesfushës dhe ka kërkuar afrimin e Jorginhos, si një lojtar që njeh mirë kërkesat e Sarrit, por njëkohësisht edhe kampionatin italian, ku ka luajtur për shumë sezone.

Pikërisht për këtë arsye drejtuesit e Juventusit kanë nisur negociatat me Chelsean dhe kanë bërë edhe një ofertë të parë, pasi kanë propozuar një shkëmbim kokë më kokë mes Jorginhos dhe sulmuesit brazilian Douglas Costa.

Për mesfushorin e kombëtares italiane, Chelsea kërkon të paktën 50 milionë euro, ndërsa braziliani i Juves vlerësohet rreth 40-45 milionë euro, por për momentin e rëndësishme duket që palët kanë nisur negociatat.

Chelsea ka bërë një merkato mjaft të bujshme deri tani, pasi ka nënshkruar me futbollistin e Ajaxit Hakim Ziyech dhe gjithashtu edhe me sulmuesin e Leipzig, Timo Werner (ka nevojë për të tjera konfirmime), por largimi i Willian dhe Pedros, krijon hapësira për një tjetër futbollist në repartin e avancuar.

Lajme të tjera

Champions League

Paris Saint Germain u mposht 2-3 në përballjen e parë çerekfinale të Ligës së Kampionëve ndaj Barcelonës në “parkun e Princave”, megjithatë trajneri Luis...

Champions League

Manchester City dështoi te penalltitë përballë Realit të Madridit, duke i thënë lamtumirë Champions League. Rrugëtimi i kampionëve në fuqi u mbyll në çerekfinale,...

Lajme

Një thashethem i bujshëm po mbush mediat rozë në Itali, teksa këtë herë protagonistë janë mesfushori amerikan i Juventusit, Weston McKennie dhe motra e...

Eredivisie

Lajm i keq për tifozët e Vitesses, skuadër e Eredivisies. Përmes një njoftimi zyrtar për shtyp, KNVB (d.m.th. Federata Holandeze e Futbollit) njoftoi se...