Mungon ende zyrtarizimi por tashmë Maurizio Sarri mund të konsiderohet në çdo efekt trajneri i ri i Chelsea-it. Madje mediat në ishull kanë filluar të flasin edhe për merkaton që do të zhvillojnë Blutë e Londrës. Për të rikthyer Chelsea-in në Champions League dhe për të rivalizuar në garën për titull sezonin e ardhshëm, londinezët kanë nevojë për përforcime cilësore. Dy dëshirat parësore të Sarrit janë dy lojtarë me të cilët ka punuar në të kaluarën. Bëhet fjalë për sulmuesin e Juventusit Gonzalo Higuain dhe mbrojtësin senegalez të Napolit Kalidou Koulibaly. Me kërkesë të trajnerit italian Abramovich pritet të hidhet në sulm për këta dy emra.
