Argjentina do të luajë dy ndeshje miqësore në fillim të muajit shtator, konkretisht më datën 6 përballë Kilit dhe më datën 10 përballë Meksikës, ndërsa trajneri Lionel Scaloni ka bërë të ditur edhe listën e 27 futbollistëve që ka thirrur për t’i pasur në dispozicion.
Më pak se dy muaj nga përballja e fundit që përkoi pikërisht të ishte përballë Kilit për vendin e tretë në Kupën e Amerikës, Scaloni do të testojë të tijtë në dy miqësore, teksa nuk do të ketë në dispozicion kapitenin Lionel Messi, i cili është i pezulluar 3 muaj nga CONMEBOL.
Gjithashtu Scaloni ka lënë sërish jashtë Mauro Icardin e Gonzalo Higuain, dy sulmues që stërviten përkatësisht me Interin e Juventusin, por që janë ende në pritje për të mësuar të ardhmen e tyre, ndërsa janë konfirmuar prania e Lautaro Martinezit dhe Paulo Dybalës.