Schalke 04 siguroi rikthimin në Bundesliga. Shtatë herë kampionët e Gjermanisë do të kryejnë disa përforcime në merkaton e verës, mes tyre është një lojtar shqiptar.
Një nga të preferuarit e “Bluve Mbretërorë” është Leart Paqarada, i cili shkëlqeu këtë sezon me St Pauli në Bundesliga 2, ekip ku mbajti edhe shiritin e kapitenit.
Anësori i majtë shënoi 3 gola dhe dhuroi 11 asiste për shokët e skuadrës. Bild raporton se lojtari dardan (21 ndeshje dhe 1 gol me Kosovën) ka marrë oferta nga disa klube të ndryshme.
27-vjeçarit i përfundon kontrata me St Pauli në vitin 2023, teksa drejtuesit e Schalke 04 janë gati të paguajnë mbi 1 milion euro për kartonin e Paqaradës.
