Euro 2020

Schick gjen sërish golin, Kroacia ndalet dhe komplikon kualifikimin

Kroacia nuk ia del të fitojë as në ndeshjen e dytë në grup, teksa nuk shkoi përtej një barazimi 1-1 ndaj Republikës Çeke dhe me vetëm një pikë në dy takime, ka komplikuar totalisht kalimin në fazën e 1/8-ave.

Trajneri kroat Zlatko Daliç befasoi me rreshtimin e tij, pasi la në stol Marcelo Brozovic dhe luajti pa shkatërrues, teksa nga kjo përfituan maksimalisht çekët, që dominuan thuajse gjatë gjithë pjesës së parë.

Shkëndijën e parë të rrezikshme e dha sulmuesi kryesor i Republikës Çeke, Patrick Schick, por ndonëse në një pozicion mjaft të mirë për të shënuar, numri 10 gjuajti dobët dhe topi u prit lehtësisht nga portieri kroat.

Momenti që solli edhe zhbllokimin e ndeshjes erdhi në minutën e 33-të, kur pas një këndoreje, Lovren goditi me bërryl sulmuesin Schick, por arbitri nuk pa faullin dhe lejoi vazhdimin e lojës. Megjithatë pak sekonda më vonë sfida u ndal për t’i ardhur në ndihmë Schick-ut të gjakosur dhe pikërisht në këtë moment ndërhyri edhe VAR-i.

Pasi rishikoi aksionin në monitorët e VAR-it, arbitri spanjoll Carlos Del Cerro akordoi penallti për Republikën Çeke, teksa nga pika e bardhë shkoi pikërisht Patrick Schick, që ndonëse me fytyrën e gjakosur, gjuajti saktë dhe dërgoi topin në rrjetë, duke shkuar njëkohësisht në krye të renditjes së golshënuesve, me tre gola të realizuar në dy ndeshjet e para.

Me avantazhin minimal të çekëve përfundoi 45-minutëshi i parë, ndërsa pjesa e dytë nisi menjëherë vrullshëm për Kroacinë, që arriti të rikthejë baraspeshën në minutën e 47’, me anë të sulmuesit të majtë Ivan Perisic.

Në minutën e 73-të ishte Nikola Vclasic që shpërdori një mundësi të artë shënimi, pasi topi i gjuajtur prej tij nga brenda zonës, përfundoi ngjitur me shtyllën, ndërsa në minutën e 89’ ishte sulmuesi Petkovic që i shkoi pranë golit, por këtë herë devijimi i një mbrojtësi çek ishte vendimtar.

Vërshëllima finale e arbitrit Carlos Del Cerro la në fuqi barazimin 1-1, një rezultat mjaft i mirë ky për Republikën Çeke, që e sheh veten shumë pranë kualifikimit, ndërsa Kroacia është e dënuar të fitojë në ndeshjen e fundit ndaj Skocisë, për të shmangur dështimin.

Autostop Albania, tregu i makinave me i madh per makina ne shitje ne shqiperi, makina ne shitje, makina me qera ,kerkoj makine, kerkoj makina, makina ne shitje, shes blej makina, servis makinash,makina ne shitje,autostop makina, makina ne shitje, kerkoj makine,kerkoj makina okazion,karrotrec, makina.

autostop.al

makina ne shitje, makina me qera, servise, pjese kembimi, tregtar makinash,kerkoj makina,tregu i makinave ,tregu makinave shqiperi,tregu makinave,autostop albania,porsche cayenne me qera, makina per shitje ne tirane,auto a1 albania, auto a1 tirane, shes makina, auto shitje hertz albania makina ne shitje shijak, shes blej, porsche albania, oferta makina per shitje shqiperi ,makina ne shitje ne shqiperi, makina ne shitje, makina ne shitje okazion, makina ne shitje ne gjermani, makina blej makina, makina ne shitje gjermani, makina gjermane ne shitje, ford albania, pjese kembimi te perdorura, pjese kembimi kadiu, pjese kembimi per makina benz

Më të lexuarat

To Top
Evolve Web Agency Evolve Web Agency