Mëngjesin e sotëm u zhvillua në Gjykatën e Barcelonës seanca për lirimin e Dani Alves, i cili ndodhet në paraburgim prej 20 janarit, i akuzuar për abuzim seksual me një vajzë 23-vjeçare më 30 dhjetor. Në këtë seancë morën pjesë mbrojtja dhe prokurori e çështjes.
Seanca u mbyll pak pas orës 12:00, rreth dy orë pas nisjes. Prokurori ka shqyrtuar faktet dhe barrën e provave ndaj Dani Alvesit.
Martell (avokat i të pandehurit) ka paraqitur dy raporte nga dy kompani që Alves hapi në Barcelonë, duke dëshmuar rrënjët e tij në kryeqendrën e Katalunjës (pretendimin që nuk ka rrezik arratisjeje, shpjegoi Mayka Navarro, në portat e Gjykatës së Barcelonës.
Ndërhyrja më e gjatë dhe më interesante gjatë seancës, siç shpjegojnë mediet spanjolle, ka qenë ajo e Ester Garcías, avokates së viktimës.
Lexo edhe:
- Zyrtare, Rubin Hebaj transferohet në Uzbekistan
- VIDEO/ Mehmeti dhuron “show”, shqiptari protagonist në Championship me asist spektakolar
- Brazili zyrtarizon trajnerin e ri
- Sulmuesi i Kosovës transferohet te klubi i shqiptarëve në Turqi
Ajo është shprehur se modeli i viteve më parë nuk i bën dobi Dani Alvesit dhe se futbollisti ka fuqi ekonomike (zotëron 15 kompani në Brazil) të arratiset me avion privat e dokumente të falsifikuara.
Nëse Gjykata vepron shpejt, do të thotë vendimi do të jetë pro lirisë me kusht të të akuzuarit, sepse është një e drejtë themelore. Ka të ngjarë që vendimi të merret brenda kësaj të enjteje.