Vijnë dy përforcimet e radhës te skuadra e Llapit, që ndodhte në Durrës për fazën përgatitore. Ekipi nga Podujeva ka zyrtarizuar firmat me Remzifaik Selmani dhe Liridon Balaj. I pari është qendërsulmues dhe huazohet nga Shkëndija e Tetovës, falë bashkëpunimit të shëndoshë mes të dy klubeve. Më parë ai ishte pjesë e Renovës, Ujpestit të Hungarisë dhe së fundmi i Shkëndijës. Ka qenë gjithashtu lojtar i përfaqësueses së Maqedonisë U-19 dhe U-21.
Përforcimi tjetër, mesfushori i djathtë, Liridon Balaj, ka qenë pjesë e Besës dhe tashmë ka nënshkruar për një vit e gjysmë me Llapin. I lindur më 15.08.1999 në Zvicër, Balaj ka qenë pjesë e Kosovës U-19 dhe tashmë i Kosovës U-21.
Drejtori ekzekutiv-sportiv, Tahir Batatina, ishte prej 1 viti në bisedime për ta afruar këtë talent tek Llapi.