Portieri dhe kapiteni i Laçit, Gentian Selmani priti dy penallti përballë Tiranës sot, por kjo nuk u shërbeu kurbinasve për të shmangur humbjen 1-3, që i la jashtë garave për kupat europiane. Në përfundim të takimit, Selmani dha një intervistë për Supersport, ku tregoi sekretet e penalltive.
Për ty personalisht, ishte një nga paraqitjet e zakonshme, me pritje të shumta. Çfarë nuk funksionoi sot me skuadrën?
Patëm një javë për ta përgatitur ndeshjen dhe e bëmë mjaft mirë këtë, por patëm një shpërqendrim në 10 minutat e para, që e shfrytëzoi mjaft mirë Tirana. Nuk e di çfarë ndodhi, pasi ishim përgatitur për ta fituar ndeshjen, por nuk ia dolëm.
Starova u cilësoi si portierin më të mirë të kampionatit. Cili është sekreti i pritjes së penalltive?
Falënderoj profesorin për fjalët e mira. Unë mundohem të punoj sa më shumë dhe të qëndroj me këmbë në tokë. Penalltitë janë edhe fat, pro edhe zotësia e portierit kur i pret. Shpresoj që të pres edhe në të ardhmen.
U bëni presion lojtarëve para gjuajtjeve dhe duket se i shpërqendroni. Çfarë ju thoni?
Unë mundohem t’i studioj lojtarët që përpara ndeshjes, gjë që e kisha bërë edhe sot me sulmin e Tiranës. E kisha studiuar mirë edhe Ngo’o, por ndonjëherë duhet edhe pak fat.
E ardhmja e Selmanit?
Nuk e di. Të presim dhe të shohim.