Do të jetë Senegali kundërshtari i Burkina Fasos në fazën gjysmëfinale të Kupës së Kombeve të Afrikës. Përfaqësuesja e drejtuar nga 45-vjeçari Aliou Cisse dhe emra të rëndësishëm në përbërje si portieri Mendy, mbrojtësi Koulibaly iu imponua 3-1 Guinesë Ekuatoriale e tashmë bën llogaritë për të kaluar në finalen e madhe të turneut.
Një sfidë e mbetur e hapur deri në minutën e 79-të, kur Ismaila Sarr shënoi golin e fundit të sfidës, teksa më parë për Senegalin kishin realizuar Diedhieou dhe Kuayate, ndërsa Buyala i Guinesë Ekuatoriale thjesht i dha barazimin e përkohshëm skuadrës së tij para se të pësonte edhe dy herë të tjera.
Senegali mbetet favorit për të kaluar në finale përballë Burkina Fasos, ndërsa në dueli mes Kamerunit dhe Egjiptit mbetet më i ekuilibruar.
