Stefano Sensi është duke bërë shumë mirë me Interin në këtë fillim sezoni. Mesfushori i transferuar nga Sassuolo në merkaton e verës, me formulën e huazimit, ka qenë një nga pikat kyçe të formacionit të Contes, aq sa mungesa e tij për shkak dëmtimi në disa ndeshje, ka bërë që zikaltërit të hasin vështirësi sa i përket gjetjes së një zëvendësuesi.
Paraqitjet e mira të 24-vjeçarit janë vënë re edhe nga trajnerë të tjerë, mbi të gjitha nga Pep Guardiola, i cili e dëshiron te Manchester City. Gjithsesi vështirë se Interi apo trajneri Conte do të heqë dorë nga një lojtar me cilësitë e Sensit, edhe pse ende zikaltërit nuk zotërojnë kartonin e tij.
Për ta bërë diçka të tillë të mundur, drejtuesit e klubit nga Milano kanë nisur negociatat për blerjen e tij nga Sassuolo dhe nënshkrimin e një marrëveshje të gjatë me lojtarin, duke i mbyllur derën një herë e mirë Man. City-t apo klubeve të tjera që mund të intereson për të.
