Connect with us

Hi, what are you looking for?

Tenis

Serena Williams: Kam qenë në ‘shtratin e vdekjes’

Kur shikon fizikun dhe forcën e saj, çdokush mund të mendojë se është një femër e pathyeshme jo vetëm në fushën e tenisit, por edhe në sfidat e jetës. Por Serena Williams e ka ç’mitizuar figurën e saj duke zbuluar momentin kur e ka parë veten në ‘shtratin e vdekjes’.

Ish numri një i tenisit për femra, ka ndarë me mediat eksperiencën e vështirë që kaloi gjatë lindjes dhe pas saj. 36-vjeçarja tregoi se gjatë procesit të lindjes pati komplikacione serioze, pasi foshnja pësoi rënie dramatike të ritmit të zemrës.

Për këtë arsye sportistja amerikane iu nënshtrua kirurgjisë që rezultoi e suksesshme, por kalvari i vërtetë i vuajtjeve nisi pikërisht pas ardhjes në jetë të fëmijës. Williams rrëfeu se për gati një javë pas lindjes, jeta e saj ishte në rrezik dhe iu desh të bënte një ndërhyrje tjetër kirurgjikale, pasi mjekët konstatuan një hematomë të madhe në zonën abdominale.

Këto peripeci u pasuan nga qëndrimi në shtrat në 6 javët e para të mëmësisë. Serena nuk ka ngurruar të falënderojë stafin mjekësor që u kujdes për të dhe theksoi se pa përkushtimin e tyre, përfundimi mund të ishte fatal.

Gjithsesi 23 herë fituesja e Grand Slam-it i ka hedhur mbas shpine këto vështirësi dhe tashmë po i gëzohet mëmësisë dhe rikthimit në karrierë. 36-vjeçarja rimori në dorë raketën në muajin shkurt të këtij viti, ku përfaqësoi ShBA-të në Fed Cup.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...