Portieri i Sevillas, Sergio Rico, përfundon në “radarët” e Arsenalit. Me mbërritjen e Unai Emery në stolin e “Topçinjve”, portieri spanjoll konsiderohet si pasuesi ideal i Petr Cech. Sergio Rico njihet mjaft mirë nga Emery, pasi ka qenë pikërisht ky i fundit që i dha besimin e duhur gjatë kohës që drejtonte Sevillan, duke bërë 24-vjeçarin portier titullar në formacionin e andaluzëve. Arsenali ndjek me vëmendje edhe portierin e Leverkusen, Bernd Leno, por spanjolli për momentin duket favorit.