Fiorentina largon hijet e krizës me fitoren 2-1 në “Artemio Franchi” ndaj Udinezes. Takimin, që nisi që në orën 12:30, e vendosi Cyril Thereau, i cili realizoi nga një gol në cdo pjesë. Sulmuesi francez, në pozicion të rregullt, nuk e pati të vështirë për ta dërguar topin në rrjetë në minutën e 28-të, me pjesën e parë që u mbyll 1-0.
Intuitiv në ndjekjen e aksionit, 34-vjecari realizoi të dytin personal, duke përfituar nga një top i pakontrolluar nga portieri mik në të 58-ën, ndërsa finalizimi i Samir në të 72-ën, që shkurtoi diferencën, thjesht mbajti në ankth skuadrën “vjollcë”, që gjithsesi arriti të merrte tri pikët në këtë ndeshje.