Milani është mposhtur 2-0 nga Sampdoria, duke pësuar humbjen e dytë në këto gjashtë javë kampionat. Kuqezinjtë po tregojnë se janë një ekip i brishtë dhe thyhen lehtë, ndaj ekipeve
Interi i Spallettit është rikthyer te fitorja, duke mposhtur me vështirësi Genoan, ku vendimtar ishte një gol i shënuar nga D’Ambrosio, 3 minuta nga fundi. Zikaltërit nuk shkëlqejnë, por po mbrohen mirë dhe shfrytëzojnë në maksimum mundësitë për shënim, ndaj ia kanë dalë të grumbullojnë 16 nga 18 pikët e mundshme.
Fitore arriti edhe Lazio, në transfertën ndaj Veronës, me rezultatin e pastër 0-3. Kryeqytetasit kanë emergjencë për shkak të dëmtimeve në repartin e mbrojtjes, por në sulm kanë Ciro Immobilen, që po ‘merr për dore’ ekipin, me golat dhe asistet e tij. Edhe sot sulmuesi italian shënoi dy golat e parë dhe asistoi të tretin.
Crotone e Arlind Ajetit ka arritur të marrë një fitore mjaft të rëndësishme për mbijetesëm, 2-0 ndaj Beneventos së Ledian Memushajt. Dy futbollistët e kombëtares shqiptare e nisën si titullarë sfidën, ndërsa Memushaj u zëvendësua në minutën e 59.
Rezultat mjaft pozitiv mori Chievo në fushën e Cagliarit, duke fituar 0-2, ndërsa Bologna mposhti 0-1 Sasuolon.
Në ndeshjen e fundit të javës së gjashtë, Atalanta ka arritur të marrë një barazim ‘in extremis’, por tërësisht të merituar, në ndeshjen ndaj Fiorentinës vendase. Golit të Chiesa në minutën e 12 iu përgjigj Freuler në minutën e fundit shtesë, duke fiksuar shifrat 1-1.
Pas gjashtë javëve të para të Serisë A, Napoli dhe Juventus kryesojnë me pikë të plota. Inter ndodhet në vendin e tretë me 16 pikë, e ndjekur nga Lazio me 13 dhe Roma e Milan me 12.