Newcastle është pranë goditjes së tretë në merkaton e janarit. “Qymyrxhinjtë” siguruan shërbimet e Kieran Trippier nga Atletico Madrid dhe sulmuesit Chris Wood nga Burnley.
Drejtuesit e klubit të Premier League po tentojnë afrimin e një tjetër mbrojtësi nga kampionati spanjoll. Ai është Diego Carlos, qendërmbrojtësi brazilian i Sevillas.
Newcastle ka arritur në parim marrëveshjen me agjentin e 28-vjeçarit sipas Telegraph, dhe tani po synohet gjetja e akordi financiar me klubin andaluzian.
Diego Carlos është një nga lojtarët më të rëndësishëm të skuadrës së Julen Lopeteguit, aty ku aktivizohet prej korrikut të vitit 2019.
Raportimet që vijnë nga Anglia theksojnë se diferenca mes ofertës së Newcastle (28 milionë paund) dhe kërkesës së Sevillas është e vogël dhe marrëveshja finale është çështje kohe.
Skuadra e Eddie Howe renditet për momentin në vend të parafundit me 12 pikë të grumbulluara në 20 ndeshje, teksa po lufton fort për të siguruar qëndrimin në elitën e futbollit anglez.
