Sevilla blindoi pozicionin e saj në vendin e 4-t që e kualifikon në Champions League, falë një fitoreje fantastike me përmbysje që arriti në transfertën e vështirë të San Mames ndaj Bilbaos. Skuadra e Julen Lopeteguit e pa veten në disavantazh kur Capa kaloi në epërsi baskët në minutën e 28-të. Përmbysja e madhe e Sevillas erdhi për meritë të mesfushorit argjentinas Ever Banega i cili në minutën e 70-të realizoi një gol kryevepër me një goditje standarte ndërsa 4 minuta më vonë i serviri Munir El Haddadit asistin perfekt për golin që do të përmbyste shifrat. Me këtë fitore andaluzianët barazuan me pikë Atleticon e Madridit dhe e çuan sërish në +6 diferencën nga Villareali i vendit të 5-të.
