Sevilla ka pësuar humbjen e dytë radhazi në kampionat, teksa mbrëmjen e sotme është mposhtur në shtëpi nga skuadra e Leganesit, me rezultatin e thellë 0-3.
Andaluzianët e nisën keq ndeshjen dhe brenda 20 minutave të para, e nxorën dy herë topin nga rrjeta, ndërsa Oscar në minutën e 82-të, vulosi suksesin e Leganesit.
Me këtë humbje, Sevilla mbetet në vendin e pestë me 55 pikë, po aq sa edhe Getafe e vendit të katërt, por madrilenët kanë një ndeshje më shumë për të luajtur dhe rrezikohet që andaluzianët të mbeten jashtë zonës Champions.