Andrei Radu po konfirmohet si një nga të rinjtë që ka shpërthyer në Serinë A këtë sezon. Portieri rumun është kthyer në siguri te Genoa dhe me 23 ndeshje të luajtura ka tërhequr vëmendjen e disa ekipeve ku së fundmi është Sevilla. Drejtori sportiv i rikthyer, Monchi e njeh shumë mire dhe ka shfaqur interes konkret për në verë por fjalën e fundit për 22-vjeçarin e ka Interi. Zikaltërit kanë të drejtën e riblerjes së Radu për 12 milionë euro dhe do ta ushtrojnë në qershorin që vjen pasi e shikojnë si alternative e Handanovic.
