Connect with us

Hi, what are you looking for?

Serie A

Sezon i ri, Milan i vjetër, ja problemet e kuqezinjve

Pas barazimit me Empolin, trajneri Gennaro Gattuso tha se Milani i tij nuk është një ekip i madh, sidomos kur në fushë mungon Gonzalo Higuain. Në fakt, mjafton të shohësh formacionin i cili u fut në fushë ndeshjen e së enjtes, për të kuptuar se, në fakt, skuadra është e njëjtë me atë të vitit të kaluar, me të njëjtat limite e probleme. I vetmi nga blerjet e reja, i cili luajti kundër Empolit, ishte Diego Laxalt, i zgjedhur për të lënë pushim Rodriguezin. Ndërkohë, të gjithë të tjerët janë lojtarë që ende nuk janë futur në fushë e nuk kanë dhënë kontributin e tyre për klubin.
Një nga problemet më të theksuara të kuqezinjve këtë sezon është mbrojtja. 8 gola të pësuar në 5 ndeshjet e para. Një statistikë e cila lë për të dëshiruar e të bën të mendosh për Caldaran, që ende nuk është përshtatur me skuadrën, apo kapitenin Romagnoli, të cilit i janë kushtëzuar ndeshjet e mira nga gabime të pafalshme.
Problemi duket është psikologjik dhe përfshin të gjithë skuadrën. Janë 7 pikët e humbura nga situata ku Milani ka qenë në avantazh, një rekord. 7 nga 8 golat e pësuar kanë qenë në pjesën e dytë, një fakt se ekipi i Gattusos e ka të vështirë të ruajë përqendrimin gjatë gjithë takimit.
Trajneri i 7 herë kampionëve të Europës nuk duket në rrezik për të humbur vendin e punës. Pavar♪sisht se ka disa emra që po qarkullojnë, Leonardo nuk e ka marrë në konsideratë heqjen e trajnerit.
Ndeshja e ardhshme për Milanin do të jetë kundër Sassuolos në “Mapei Stadium”, përballë një kundërshtari i cili aktualisht renditet i treti dhe e ka nisur sezonin në mënyrën më të mirë të mundshme. Duke shpresuar për një rikthim te Higuain, tifozët kuqezinj, por edhe vetë Gattuso, shpresojnë për një rikthim te fitorja.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...