Mesfushori i Interit, Nicolo Barella ka folur për kanalin zyrtar të UEFA pak ditë përpara sfidës me Milanin.
Si e keni parë Interin këtë sezon?
Ky sezon ka qenë disi i çuditshëm, me shumë ulje-ngritje për mua dhe ekipin. Më kanë mbetur energji dhe për këtë fazë të fundit të sezonit, e cila përcakton fatet e punës sonë.
- VIDEO/ “Maradona” në festë, Fiorentina bën “korridorin e nderit” për kampionët
- Dominim i Red Bullit në Miami, Verstappen thellon diferencën me Perez
- VIDEO/ Përleshje e gjashtë lojtarë me karton të kuq, degjeneron “Superclasico”
- Koret raciste ndaj Vlahovicit, reagon edhe presidenti i FIFA-s
Si ju duken performancat e klubit në kampionat dhe në Champions?
“Nuk di ç’të them për këtë pjesë. Duket sikur jemi më të bashkuar në ndeshjet europiane. Champions League të bën sikur të jesh më i bashkuar në grup, kjo falë atmosferës që ajo të jep. Muzika dhe atmosfera e publikut është më elektrizuese në Champions.
Më tregoni pak emocionet në “San Siro”?
Kur stadiumi është i tejmbushur dhe tifozët thërrasin “Kampionët”, unë dua t’u them “Ja ku jemi”. Këto janë emocione tepër të forta dhe shumë të bukura, të cilat t’i jep “San Siro” dhe sidomos fansat e Interit.
Si e shikoni ndeshjen ndaj Milanit?
“Dhe tani derbi… unë do të lë zemrën dhe shpirtin në fushë, por mbetet një ndeshje futbolli dhe asgjë nuk duhet të ndodhë më shumë se futbolli. Jemi shumë të lumtur që e gjithë bota do ta ndjekë dhe jam krenar që do të jem në atë tapet të blertë.
Mbyll kështu për UEFA TV, mesfushori i Interit, Nicolo Barella i cili ndihet gati për sfidën e radhës në derbin ndaj Milanit për gjysmëfinalen e parë të Champions League.
