Nottingham Forest merr tri pikë shumë vendimtare në takimin e raundit të 35-të të Premier League, ku përballë kishte Southampton në “City Ground”.
Vendasit triumfuan me rezultatin 4-3 në një takim që ishte shumë i luftuar. Takimi u zhbllokua në minutën e 18’, me Awoniyi, i cili i dha avantazhin ekipit të Nottingham, ndërsa vetëm tre minuta më pas ai shënoi golin e dytë për ekipin dhe të dytin personal.
Lexo edhe:
- Përgatitjet për ndeshjet e qershorit/ Sylvinho tur takimesh nëpër Europë me lojtarët kuqezi
- FSHF pranon finalen e Kupës së Greqisë, por me një kusht
- Dominim i Red Bullit në Miami, Verstappen thellon diferencën me Perez
- VIDEO/ Përleshje e gjashtë lojtarë me karton të kuq, degjeneron
Miqtë tentuan të reagoni dhe ngushtuan diferencën në minutën e 25’ pas golit të Alcaraz, megjithatë në minutën e 44’ Gibbs-White realizoi nga pika e bardhë e penalltisë golin e tretë për vendasit.
Në pjesën e dytë u shënuan edhe tre gola, me Lyanco që u dhuroi golin e dytë miqve në minutën e 51’, teksa Danilo bëri “poker” për Nottingham në minutën e 73’.
Megjithatë miqtë nuk u dorëzuan dhe në minutën e 90+6′ Ward-Prowse realizoi golin e tretë për ekipin e tij, por nuk mjaftoi.
Pas kësaj jave Nottingham Forest shkon në kuotën e 33 pikëve dhe ngjitet në vend të 16-të, teksa Southampton vijon të renditet në vend të fundit me 24 pikë.
