Skuadra e Argjentinës ndodhet në Bolivi, ku do të përballet këtë të martë me skuadrën vendase, me fillim nga ora 21:00, në ndeshjen e dytë të kualifikueseve të Amerikës së Jugut për Botërorin 2026, pasi debutoi me fitoren ndaj Ekuadorit (1-0), me gol të Lionel Messit.
Lartësia, siç ndodh gjithmonë në Bolivi, do të jetë një tjetër kundërshtar për t’u marrë parasysh nga ekipi i drejtuar nga Lionel Scaloni. Sigurisht kjo është një situatë e zakonshme edhe për skuadrat e Amerikës së Jugut që luajnë në La Paz dhe më gjerë.
Lexo edhe:
- Southgate: Kyle Walker ndoshta s’do ta pëlqejë këtë që po ju them
- Shqipëri U21 – Rumani U21/ “Shpresat” me misionin tri pikë dhe për të shkruar historinë
- Transferta rumune, Kosova luan shansin e fundit për Europianin
- VIDEO/ Portugali perfekte, triumfon 9-0 dhe “blindon” kreun
Në rastin e Argjentinës është bërë gjithçka për të zbutur situatën. Lojtarët argjentinas zbarkuan në La Paz me shishe oksigjeni dhe stërvitja u zhvillua në stadiumin e “The Strongest”, një skuadër boliviane që deri pak javë më parë drejtohej nga portugezi Ricardo Formosinho, një vend 3600 metra mbi vijën detare.
Scaloni donte të shihte sesi lojtarët e tij do të reagonin ndaj lartësisë, për të shmangur shprehjen popullore: sa më e madhe lartësia, aq më e madhe rënia.
