Connect with us

Hi, what are you looking for?

Kategoria Superiore

Sfumohen objektivat e merkatos, Flamurtari dilema për qendrën e mbrojtjes

Flamurtari nën drejtimin e Ilir Dajës ka nisur një projekt me synime të mëdha. Objektivi minimal është pjesëmarrja në Europa League sezonin e ardhshëm dhe për këtë arsye janë afruar disa lojtarë me vlerë si Batha e Torrasa, megjithatë ka një problem të dukshëm që duhet zgjidhur.

Kuqezinjtë janë mangët në qendër të mbrojtjes dhe rrethi i alternativave në merkato, është ngushtuar së tepërmi. Tefik Osmani, i cili ishte një objektiv i vlonjatëve që në muajin qershor, vendosi të nënshkruante për Teutën.

Klubi ishte gjithashtu i interesuar për shërbimet e Olsi Teqjas, por edhe ky i fundit vendosi t’i bashkohej Kamzës, ndërsa drejtuesit vlonjatë më herët vendosën të mos rinovonin me Ditmar Bicajn.

Tashmë e vetmja alternativë që i ka mbetur Flamurtarit për qendrën e repartit të mbrojtjes, është Ardian Cuculi. Bisedimet me ish lojtarin e Shkëndijës së Tetovës po vijojnë, por ende nuk është mbyllur asgjë.

Nëse do të dështonin edhe negociatat me 31-vjeçarin nga Tetova, atëherë problemi mund të shndërrohej në një telash për trajnerin Ilir Daja, i cili do të mbetej vetëm me Artim Pollozhanin dhe Franc Veliun, në një pozicion ku duhet të ketë më shumë se dy alternativa.

Merkato akoma nuk është mbyllur dhe kuqezinjtë kanë ende kohë për të realizuar një goditje të rëndësishme, por tregu shqiptar momentalisht nuk është më aq i pasur.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...