As Grigor Dimitrov nuk mund ta ndalë Rafael Nadalin. Në përballjen cerekfinale të turneut të Shangait, tenisti bullgar i mori një set me “tie break” numrit një në botë, por e pati të pamundur të ndalte rrugëtimin e tij drejt triumfit të radhës. 2-1 me sete përfundoi ky duel, në fund të të cilit Dimitrov u dorëzua pa kushte.
Në setin e parë, që nisi me shërbimet e Nadal, mjaftoi një gejm me “break” në favor të spanjollit që të mbyllej 6-4. Në setin e dytë asnjë prej rivalëve nuk u thye në shërbim, por në “tie break” Nadal humbi tre topa, duke u dorëzuar në fund 4-7.
Në setin e tretë Nadal e theu në shërbim Dimitrovin në gejmin e 6-të, duke fituar 6-3 dhe të gjithë ndeshjen 2-1 me sete.
Në gjysmëfinale Nadal do të përballet me Cilic, që kaloi 2-0 me sete Ramos (6-3, 6-4).