Artim Shaqiri ka debutuar me fitore në pankinën e Shkëndijës, ku u ul vetëm pasditen e djeshme, ndërsa tetovarët ia dolën të triumfojnë me shifrat 0-2 në transfertën ndaj Pelisterit.
Ish trajneri i Kukësit dhe Flamurtarit u nderua në pjesën e dytë nga golat e Maneskit dhe Nafiut, që u dhanë tre pikët kuqezinjve, të cilët me këtë fitore ruajnë vendin e dytë me 51 pikë, 11 më pak se skuadra tjetër shqiptare, Shkupi që kryeson.
Këta të fundit nuk shkuan dot përtej barazimit pa gola në derbin e qytetit ndaj maqedonasve të Skopjes, megjithatë kur kanë mbetur edhe 7 javë nga fundi i sezonit, rruga drejt titullit duket e shtuar mirë tashmë.
Sa u përket skuadrave të tjera shqiptare, Struga është mposhtur me shifrat 2-0 në transfertën ndaj Tikves, ndërsa Renova ka humbur në shtëpi 0-1 përballë Makedonija GP.
