Shtetet e Bashkuara të Amerikës kanë arritur të marrin një fitore mjaft të rëndësishme ndaj Panamasë, një rivali direkt në luftën për nëj vend në botërorin ‘Rusi 2018’. Ekipi i drejtuar nga Brus Arena, me këtë tre pikësh merr vendin e tretë në grup, pozicion që të kualifikon direkt për në fazën finale.
Ndeshjen e fundit SHBA do ta zhvillojë ndaj ekipit të Trinidad & Tobago, ekipit më të dobët të grupit, ku fitorja është detyrim për të siguruar kualifikimin direkt. Nga ana tjetër, Panama dhe Honduras do të luftojnë për vendin e katërt, që i çon në fazën Play Off të kualifikueseve. Grupi i Amerikës Qendrore dhe Veriore kryesohet nga Mexika, e ndjekur nga Costa Rica dhe të dy këto ekipe kanë siguruar kualifikimin për në ‘Rusi 2018’.