Sheffield Utd vazhdon të ëndërrojë zonën Champions në Premier League, teksa në javën e 26-të mposhti 2-1 me përmbysje Bournemouthin, rezultat që e ngjit në kuotën e 39 pikëve, dy më pak se Chelsea i vendit të katërt.
Në “Bramall Lane” të Sheffieldit vendasit e panë veten nën një gol që në minutën e 13-të, kur Wilson, goditi me të parën pranë zonës së portierit pas një topi të kthyer fillimisht nga mbrojtja.
Sheffieldi Utd arriti të kthente baraspeshën në rezultat me Sharp në minutat shtesë të pjesë së parë, pas një pasigurie të portierit dhe mbrojtjes mike për të larguar topin nga zona.
Vendasit nuk u mjaftuan me kaq dhe 6 minuta para përfundimit të kohës së rregullt shënuan edhe golin e fitores me Lundstram, i cili u shërbye me zgjuarsi në zonë nga Mousset.
